السلام عليكم
الفكره في المدونه دي اننا شباب من مصر القديمه ودار السلام زهقنا من كلمة وانا مالي فقولنا مش هنقول وانا مالي لا
الفكره في المدونه دي اننا شباب من مصر القديمه ودار السلام زهقنا من كلمة وانا مالي فقولنا مش هنقول وانا مالي لا
مالي ومالي ومالي امال مال مين المهم فقلنا ننقل منطقتنا والسلبيات اللي فيها علي الشبكه العنكبوتيه عشان نعرف الناس
بالفيها ودي فيها كتير ومتخفوش مش هنسيب حاجه مهما كانت كبيره او صغيره وقولنا نجرد نفسنا ايا كانت اتجاهتنا
السياسيه عشان محدش يقول شوف معارضه لالالا حزب وطني المهم اتفقنا علي حاجه واحده منقولش وانا مالي
ونبتدي الاول كده بحاجه خفيفه علي السريع كدا عشان الناس متقولش لا ياعم دي عالم كلامنجيه
الموضوع الاول
يافرحتي بالحمام..
اه بجد مش مصدقيني الحمام عندنا في مصر القديمه من فتره لقينا حاجه عجيبه حطين عن مترو ماري جرجس والملك
ونبتدي الاول كده بحاجه خفيفه علي السريع كدا عشان الناس متقولش لا ياعم دي عالم كلامنجيه
الموضوع الاول
يافرحتي بالحمام..
اه بجد مش مصدقيني الحمام عندنا في مصر القديمه من فتره لقينا حاجه عجيبه حطين عن مترو ماري جرجس والملك
الصالح حمامات عمله
اه تحط العمله وتخش تفك عن نفسك طبعا ومش عندنا بس لا في مناطق وميادين كتير اعدت افكر ليه واضرب اخماس
في اسداس مش
عارف يمكن الكلام دي يبقي في منطقه ارستقراطيه بس في مصر القديمه؟؟؟؟؟
المهم عشان مبقاش راجل مفتري قولت ادور للحكومه علي اعذار قولت يمكن اللي عند ماري جرجس السياح مثلا؟؟؟
ممكن؟؟ او يمكن
العساكر الغلابه اللي اعدين هناك احتمال ؟؟؟ او الناس هناك اللي معهمش جنيه ياكلوا بيه يروحوا يييييي ولابلاش عشان
الرقابه
طب ده اللي عند ماري جرجس طب واللي عند المللك الصالح ياتري ليه يمكن الناس اللي بتقف علي فرن العيش طول
النهار عشان خمس
ترغفه ممكن تتزنق وتعوز الحمام او الطلبه بتوع المدراس اللي هناك اللي مبيخشوش الحمامات اللي في المدارس الغير
ادميه؟؟؟؟؟احتمال
ولا البيعين بتوع الخضار والفاكهه مش عارف ولا اه ولا اه فكر انت في مبررات تانيه عشان انا تعبت لكن ياجماعه ده مش بعيد علي
حكومتنا الالكترونيه عايزه الحمام كمان يبقي الكتروني
بس مش هما برضه اللي قالوا ان الي بياخد 160 قرش في اليوم ميبقاش فقير طب افرد واحد من دول اتزنق في الطريق
وعنده اسهال ولا
حاجه
يضيع فلوسه علي الحمام الالكتروني؟؟؟؟
بس في النهايه الناس في مصر القديمه لما بتتزنق بتصرف نفسها في أي حته
تعليمات الحمام دي الناس عندنا مبتعرفش تقرا ودي صوره للي في الملك الصالح ودي من زاويه تانيه ودي الي في ماري جرجس محاطه بعربيات النقل متشفهاش اساسابس في النهايه الناس في مصر القديمه لما بتتزنق بتصرف نفسها في أي حته
من زاويه تانيه
مصري للابد
هناك 14 تعليقًا:
ربنا يكرمك يامعلم بس انا عايزك اقولك حاجة فكرني يامعلم وربنا يعيينك يارب ويوفقك في المدونة
والسلام
اولا
الف مبروك يا حبيب قلبى من جوة
على المدونه وتكون فتحت خير عليك
اما بخصوص البوست
فتعليقى
شفاكم الله وعفاكم
ومتنساش دعاء الخلاء
عموعز ماشي ياحبيبي وصلي اللي انت عايزه
هههههههههههههههههههه
ماشي ياعم جيزاوي شفاكم وعفاكم
الله ينور علي الشغل الجامد ده
بس ايه بس ليه عشان إية ....!!؟
طيب ع العموم أنا مستني زيارتك ليه
مدونة إخوان ستايل
الله ينور علي الشغل الجامد ده
بس ايه بس ليه عشان إية ....!!؟
طيب ع العموم أنا مستني زيارتك ليه
مدونة إخوان ستايل
مبروك المدونة و مبروك التدوينة
بس التعريفة كم صحيح؟؟ انا اول مرة اسمع الموضوع ده انه موجود في مصر
تقبل مروري
على فكرة بجد انا شايفه انها حاجه كويسه جدا ومش لازم يعنى تكون فى مصر الجديدة ولا مدينة نصر ولا القاهرة الجديدة حتى
انا عارفه ان فيه ناس كتير فى الاماكن بتاعتكوا مش بدل ما الناس تقف فى الشارع ومنظرها يبقى مش حضارى
مبروك على المدونة ومبروك الحمامات عليكو واحنا اطمئن قلبنا انها حتفضل جديدة على طول
تحية لاهل مصر القديمة ودار السلام ، ممكن التحية توصل للمعادى؟ ساكن فيها واحد صاحبى حبيبى اسمه ماجد حمدى
شاه منور المدونه والله ياحبيبي معرفش التعريفه كام بس هسأل واقولك اما انه فين هتلاقي قريب منك الفتره الجيه ديه
والله انا من زمان اوى قلت انه مالى ومالى ومالى ومال ابويا كمان بس ماحدش كان بيعبرنى المهم ان الحمد لله ان دلوقتى حد قدر يشارك معايا او يبادر بموضوع زى ده والاهم من كده انى واحد من شباب دار السلام المطحونين فى الساقيه واكيد ان كل اللى هيقرا ده هيعرف يعنى ايه المطحونين والحاجات كتير اوى اوى اوى فمش عارف اقول ايه ولا ايه؟؟؟ المطحنة فى المواصلات الصبح ولا الفرن ولا الشارع ولا انهو مطحنه بالظبط؟؟؟ المهم ان الكل عارف واتمنى اننا كلنا نشارك مع بعض ونقدر نعمل اى حاجة. مثلا اننا نوصل صوتنا للناس الكويسييييييين اوى اللى بياخدوا اشتراك شهرى ((اجبارى)) للنظافه من غير ما يبقى فى اى نظافه واسف انى اقول ان الزباله ماليه الشوراع ولا شك اننا قريب اوى هنعانى من امراض كتير ان ما وصلناش لوباء ربنا يحوش عنى وعنكم جميعا .اقول تانى ولا زهقتوا لا كفايه كده النهاردة ونكمل وقت تانى ان شاء الله وربنا يعين الكويسييييين علينا ويعين (((الغلابه والمطاحيين))) على نفسهم .
الامضاء ...
""واقع فى المطحنة""
ابي
احنا مقولناش ان الفكره وحشه لكن وقت تنفيذها وطريقة تنفيذها هو المشكله يعني متجبش مش لقيه تاكل وتقولها جيبلك بدله سموكين
راجي
نورت المدونه والف شكر علي مرورك الكريم وسلملي علي زميلك بتاع المعادي
فينك يا راجل يا طيب
مش باين يعني
يارب يكون المانع الخير
لا تحرمنا
محبتي
إرسال تعليق